ԻՐԱԶԵԿՈՒՄ
Դիմադրության շարժումը հրապարակել է այն կարմիր գծերը, որոնց հատումն անընդունելի է ՀԱՅԻ համար
Պայքարի այս օրերին, երբ յուրաքանչյուր արժանապատիվ հայ ոտքի է կանգնել հանուն անվտանգ Հայաստանի ու Արցախի, հանուն Արցախ աշխարհի հայկական մնալուն, անհրաժեշտ է ևս մեկ անգամ բարձրաձայնել մի շարք կարևոր կետերի մասին։ Դրանք այն կարմիր գծերն են, որոնց հատումն անընդունելի է ՀԱՅԻ համար։
- Հայաստանն աջակցելու է Արցախի ժողովրդի ինքնորոշման իրավունքի լիարժեք իրացմանը:
- Արցախը երբեք չի լինելու Ադրբեջանի կազմում:
- Հայաստանի Հանրապետության և Արցախի Հանրապետության միջև պետք է լինի հուսալի ցամաքային կապ․ Արցախն անկլավ չի լինելու:
- Հայաստանի Հանրապետությունն Արցախի ժողովրդի անվտանգության և ինքնորոշման իրավունքի իրացման երաշխավորն է:
- Սահմանագծման և սահմանազատման աշխատանքները պետք է իրականացվեն ՀՀ ինքնիշխան տարածքից Ադրբեջանի զորքերի դուրս բերման նախապայմանով:
- Սահմանագծման և սահմանազատման աշխատանքների արդյունքում բացառվում է Հայաստանի Հանրապետության ամբողջականության խաթարումը:
- Հայ-թուրքական հարաբերությունների կարգավորման գործընթացում բացառվում է որևէ համաձայնություն, որը հարցականի տակ կդնի Հայոց ցեղասպանությունը:
- Ադրբեջանի և Թուրքիայի հետ ճանապարհների ապաշրջափակումը չի կարող տեղի ունենալ միջանցքային տրամաբանությամբ:
«Պատիվ ունեմ», «Հայաստան» դաշինք