ԻՐԱՎԱԿԱՆ //
Բանաձևը կներկայացվի խորհրդարանին (Քնեսեթ)
Իսրայելի արտաքին գործերի նախարար Գիդեոն Սաարը հայտարարել է կառավարություն ներկայացված բանաձևի մասին, որով կոչ է արվում Իսրայելին պաշտոնապես ճանաչել Հայոց ցեղասպանությունը: Ավելի վաղ, նախորդ տարի Իսրայելի վարչապետ Բենիամին Նեթանյահուն հարցազրույցներից մեկի ժամանակ լրագրողի դիտարկմանը, որ Իսրայելի ոչ մի վարչապետ չի ճանաչել ցեղասպանությունը, պատասխանել է՝ «Ես հենց նոր դա արեցի»:
«Հայ ժողովրդի դեմ իրականացված ցեղասպանության ճանաչումն ինչպես բարոյական, այնպես էլ պատմական պարտք է: Մենք նաև պետք է վճռականորեն դատապարտենք պատմական ճշմարտության ցանկացած ժխտում, նսեմացում կամ խեղաթյուրում»,-շեշտել է ԱԳ նախարարը: Նա հայտնել է, որ դրանից հետո բանաձևը կներկայացվի Իսրայելի խորհրդարանին (Քնեսեթ):