ՔԱՂԱՔԱԿԱՆ //
Պետք է պատասխանատվության ենթարկվեն Արցախը հանձնողները՝ պատասխանատու հազարավոր հերոսների մահվան համար
Անվտանգությունը մնում է Հայաստանի առաջիկա տարիների գլխավոր խնդիրներից մեկը, որի ապահովման համար անհրաժեշտ է մարտունակ բանակ, ուժեղ առաջնորդ և հզոր դաշնակից։ Այդ մասին մարտի 16-ին հայտարարել է «Հայաստան» դաշինքի վարչապետի թեկնածու, ՀՀ 2-րդ նախագահ Ռոբերտ Քոչարյանը։ Նա վստահեցրել է, որ կողմ են Ադրբեջանի հետ խաղաղությանը, սակայն այդ խաղաղությունը պետք է հիմնված լինի անվտանգության իրական երաշխիքների վրա:
«Չարիքը, որին մարմնավորում է այս իշխանությունը, կպարտվի։ Ես նրանց դեմ պայքարի մեջ եմ մտել նրանց իշխանության գալու առաջին իսկ օրերից և չեմ հանգստանա, մինչև նրանք չհեռացվեն։ Ես նաև սրանով եմ տարբերվում վարչապետի մյուս թեկնածուներից։ Բայց սա բավարար չէ։ Պետք է պատասխանատվության ենթարկվեն նրանք, ովքեր պատասխանատու են մեր հազարավոր հերոսների մահվան համար, ովքեր հանձնեցին Արցախը և այսօր ստիպում են ժողովրդին մոռանալ իր հերոսական պատմությունը»,- նշել է Քոչարյանը։