ԻՐԱԶԵԿՈՒՄ Հանուն Հայաստանի ու Արցախի՝ անկախացած բնիկ ժողովրդի հանրաքվեով, որը չի կարող չեղարկվել որևէ թղթով
«Սիրելի հայրենակիցներ, սեպտեմբերի 2-ը սովորական օր չէ, այն մեր ժողովրդի պայքարն ու հաղթանակը խորհրդանշող օրերից է, օր, երբ ծնունդ առավ հայկական երկրորդ հանրապետությունը՝ Արցախը։ Այսօր Հայաստանի, Ադրբեջանի և Թուրքիայի կառավարությունները միասնաբար ստիպում են մեզ փակել Արցախի էջը, լուռ ընդունել մեր նկատմամբ տեղի ունեցած ցեղասպանությունը և հրաժարվել արժանապատվությունից ու մեր բոլոր իրավունքներից։ Սակայն, ճշմարտությունը մեկն է. Արցախի էջը փակված չէ, մեր ժողովուրդն ունի իրավունքներ, որոնց համար պայքարը ոչ թե վտանգում է Հայաստանի Հանրապետությունը, այլ պաշտպանում է այն…Տեր կանգնե՛նք մեր իրավունքներին։ Սեպտեմբերի 2-ին` ժամը 18:30-ին, Ազատության հրապարակում կկազմակերպվի միասնության մեծ հավաք, որտեղ մենք բոլորով կհայտարարենք`
- Արցախյան հակամարտությունը լուծված չէ,
- որ մենք չենք ընդունում ուժի կիրառմամբ և ուժ կիրառելու սպառնալիքով մեր անունից ստորագրված պայմանավորվածությունները,
- որոնք ոտնահարում են մեր բոլորի իրավունքները,
- որ մենք պահանջում ենք Բաքվում պահվող հայ գերիների վերադարձ…
Սեպտեմբերի 2-ին` ժամը 18:30-ին, Ազատության հրապարակում միասին՝ հանուն մեր իրավունքների, հանուն Արցախ վերադարձի, հանուն մեր ազգային արժանապատվության, հանուն Հայաստանի Հանրապետության»,-հայտարարել է ՀՅԴ-ն։ Իր հերթին Արցախի պետնախարար Նժդեհ Իսկանդարյանը հայտարարել է. «Պետք է հիշենք, որ Արցախը միայն տարածք չէ, այլ մեր ինքնությունը, պատմությունը և անփոխարինելի արժեքը…Թո՛ղ սեպտեմբերի 2-ը լինի ոչ միայն հիշողության, այլ նաև ուժեղացման օր՝ միասնության, համախմբվածության, հավատքի և պատասխանատվության խոր գիտակցությամբ։Միացե՛ք հավաքին»։