ՊԱՇՏՈՆԱԿԱՆ
«Լաչինի միջանցքում անցակետի տեղադրումը հակասում է երկու երկրների միջև զինադադարի համաձայնություններին: Եթե Ադրբեջանը որոշ մտահոգություններ ունի հոսքերի թափանցիկության առումով, կան այլ միջոցներ՝ հարցին մոտենալու համար: Կոչ ենք անում՝ վերականգնել անարգել տեղաշարժը Լաչինի միջանցքով՝ համաձայն երկու կողմից ստանձնած պարտավորությունների, բայց նաև՝ համաձայն Արդարադատության միջազգային դատարանի վճռի: Շրջափակումը ընդունելի չէ, մարդասիրական ճգնաժամի ռիսկ է ստեղծում ԼՂ բնակչության համար»,- այս մասին Երևանում՝ ՀՀ ԱԳ նախարարի հետ համատեղ ասուլիսի ժամանակ հայտարարել է Ֆրանսիայի ԱԳ նախարար Կատրին Կոլոննան: «ԼՂ բնակչությունը պետք է ապրի խաղաղության, անվտանգության մեջ»,- հավելել է պաշտոնյան: