ՎԵՐԼՈՒԾԱԿԱՆ //   

ԱԺ-ի մոտ Հունիսի 12-ի բազմամարդ հավաքի  դեմ անկանոն ու անպատիժ նռնականետումները՝ վկա: Ընդդիմադիր ուժերի ուղերձները

Մայիսի 28-ի Հանրապետության տոնի առթիվ, հայ ժողովրդին ի ցույց, զորք ու զենք էր ցուցադրում` 2024թ. հունիսի 12-ին Երևանի Կենտրոնում՝ Ազգային Ժողովի Բաղրամյան պողոտայում, բազմամարդ հանրահավաքի դեմ 30 անկանոն ու անպատիժ նռնականետումներ թույլ տված ՀՀ «փսևվոէլիտան»: Հիմա էլ՝ Մայիսի 28-ի  զորահանդեսով նշում են Հանրապետության օրը: Իր տարածած ուղերձում հեռացող վարչապետ Փաշինյանը կրկին իրականությունից կտրված տեքստ է հնչեցրել, թե իբր 35-ամյա հակամարտությունից հետո Հայաստանի և Ադրբեջանի միջև խաղաղություն է հաստատված, ապա անդրադարձել է 1918-1920թթ. Հայաստանի և այլ երկրների ԽՍՀՄ կազմ մտնելով անկախությունը կորցնելուն: Սա այն դեպքում, երբ Փաշինյանի ղեկավարած ՔՊ-ն ԱԺ-ում օրենք է ընդունել Հայաստանը ԵՄ կազմ մտցնելու մասին՝ այդկերպ շրջանցելով հայ ժողովրդի կամքը, երկիրը նախապատրաստելով անկախության կորստի…

Հայ ժողովրդի դեմ զորք ու զենք է ցուցադրում մի  իշխանություն, որը պարտվել է թշնամուն և անցել ժողովրդի թիկունքում կոռուպցիոն գործարքների, ընդհուպ Փաշինյանը մուսուլմանների հետ  մրցանակ է կիսել միլիոն դոլարի: Ցուցադրված զինտեխնիկան ավելի շուտ կկիրառվի հայ ժողովրդի դեմ, քան Ալիևի. 2024թ. հունիսի 12-ի ժողովրդի դեմ անպատիժ նռնականետումները՝ վկա: Հիշեցնենք, այդ օրն ԱԺ-ում Կառավարության հետ հարցուպատասխանի նիստն էր, որի ժամանակ ընդդիմությունը վերահաստատել էր իր պահանջը Փաշինյանի հրաժարականի մասով: Իշխանությունն՝ ի դեմս Փաշինյանի ԱԺ-ում վեճ սադրելուց հետո անզեն ժողովրդի դեմ էր հանել զինյալ ուժերի: Թե ի՞նչ ուժ ու տեխնիկա էր բերված Դեմիրճյանում անհասանելի խորքում էր, լուսանկարումը՝ խոչընդոտված, որ անգամ Մարտի 1-ի դեպքերի ժամանակ չէր արգելված: Ապացույցների ձեռքբերմանը նման խոչընդոտումն իրավունք է տալիս պնդելու, որ Դեմիրճյանում կենտրոնացված էր մարտական զինտեխնիկա, որի մի մասը կիրառվեց մոտ 30 անկանոն նռնականետումներով՝ ընդդեմ անզեն ժողովրդի, Բագրատ Սրբազանի /ներկայում ապօրինի կալանքի մեջ պահվող/ առաջնորդած շարժման կոչով ԱԺ-ի մոտ հավաքված բազմության դեմ: Թափվեց, պաշտոնական տվյալով, 101 մարդու արյուն, նրանց թվում նաև հավաքին չմասնակցած անցորդների, հարակից այգում զբոսնող այլ քաղաքացիների: Ըստ փորձագետների՝ հունիսի 12-ին նռնակների մեծ մասը կիրառվել էր վիրավորներին օգնողների դեմ: Խիստ մտահոգիչ ու դատապարտելի է այն փաստը, որ, մարտի 1-ի կրկնությամբ, դեպքերից անմիջապես հետո Փաշինյանը, Ալեն Սիմոնյանը և ՀՀ Նախագահ Ա. Խաչատուրյանը ոչ միայն ափսոսանք և մտահոգություն չարտահայտեցին տասնյակ վիրավորների փաստի կապակցությամբ, այլև անվերապահորեն արդարացրին ուժային կառույցների գործողություններն՝ ըստ էության ուղղորդելով և կանխորոշելով հետաքննության արդյունքները:
Սա այն իշխանությունն է, որի օրոք հայ ժողովուրդը կորցրեց իր հազարամյա հայրենիքի մի մասն՝ Արցախը, որի ինքնավար իրավունքը միջազգայնորեն ճանաչված է քաղաքակիրթ աշխարհի կողմից, կորցրեց ՀՀ ինքնիշխան տարածքի մի մասը: Փաշինյանն էր գերագույն գլխավոր հրամանատարի դերում 2020թ. պատերազմում, երբ չափսոսվեց հազարավոր հայ մարտիկների կյանքը, փոխարենն անհայտ մնաց հզորագույն զենքի՝ Իսկանդերի արդյունքը: Հետևապես՝ այս վարչախմբի օրոք զենքերը, կարծես, ցուցադրվում են ավելի շատ՝ ընդդեմ ժողովրդի, քան ընդդեմ թշնամու:
Նշենք, որ Հանրապետության օրվա առթիվ «Հայաստան» դաշինքի /քվեաթերթիկ համար 17/ առաջնորդ, ՀՀ 2-րդ նախագահ Ռոբերտ Քոչարյանն իր ուղերձում նշել է. «Հունիսի 7-ին, Սարդարապատի համախմբվածության օրինակով, պետք է դրսևորենք քաղաքացիական խիզախություն: Մեր քվեով պետք է վռնդենք արդեն իսկ մեր երկրի ներսում գտնվող թշնամուն: Մեր պետության լավագույն օրերն առջևում են: Փա՜ռք Սարդարապատի հերոսներին»։ Նույն դաշինքից ՀՀ ՊՆ նախկին նախարար Սեյրան Օհանյանն ասել է. «Նիկոլ, դու բանակի 0-ից ստեղծման հետ կապ չունես, դու բանակի զրոյացման հետ կապ ունես...»
«Ուժեղ Հայաստան» կուսակցության /քվեաթերթիկ համար 3/ առաջնորդ Սամվել Կարապետյանը նկատել է, որ հենց պատերազմ սկսվի, ցուցադրած զենքերը հանձնելու են Ալիևին, փախնելու են, հետո ընկնեն ժողովրդի հետևից, թե՝ փախաք, ինչպես արցախցիների դեպքում, մինչդեռ մարդիկ 9 ամիս բլոկադայի տակ, իշխանությունն աչք չթարթեց, հանդիսանալով անվտանգության երաշխավոր, առաջին իսկ օրից փախան: Սամվել Կարապետյանն իր ուղերձում շեշտել է. «Մայիսի 28-ը պետական կամքի օր է։ Սիրելի հայրենակիցներ, այսօր Հայաստանը մտնում է որոշիչ ժամանակաշրջան։ Առաջիկա ընտրությունները պարզապես քաղաքական գործընթաց չեն լինելու։ Դրանք լինելու են պատասխան մի հարցի՝ արդյոք հայ ժողովուրդը պատրա՞ստ է նորից վերցնել իր պետության պատասխանատվությունը…»: «Ուժեղ Հայաստան» կուսակցությունն ընդգծում է՝ հայ ժողովուրդն իր քվեարկությամբ կարող է կանխել 300 000 ադրբեջանցու մուտքը Հայաստան:

Առավել մանրամասն՝ «Գործընթաց» թերթում