ԻՐԱՎՈՒՆՔ //
Փաշինյանը, Ալենը վախենում են վատ դրության մեջ հայտնվել…
«Ես իրավունք ունեմ սահմանադրական օրենքով՝ ԱԺ կանոնակարգ սահմանադրական օրենքով, ծանոթանալ դրան, դիմել եմ ևս մեկ անգամ, դրա վերաբերյալ եղել է համապատասխան հայտարարություն, որևիցե պատասխան դեռևս չունեմ»,-այս մասին լրագրողների հետ զրույցում ասել է Պաշտպանության նախկին նախարար Դավիթ Տոնոյանը…
Անհետ կորած զինվորի հարազատ Արսեն Ղուկասյանն իր հերթին հայտնել է, որ ԱԺ նախագահ Ալեն Սիմոնյանին հասցեագրած դիմումով պահանջել էին հանրայնացնել 44-օրյա պատերազմի հանգամանքներն ուսումնասիրող քննիչ հանձնաժողովի զեկույցը, սակայն ԱԺ-ն իր պատասխանում նշել է, թե այն գաղտնագրվել է և առանց համապատասխան թույլտվության, ենթակա չէ «այլ անձանց» տրամադրման: Դիմելով ԱԺ աշխատակազմի ղեկավարին՝ նա նշել է. «Դավիթ Առաքելյա՛ն, այլ անձը դու ես, մենք այլ անձինք չենք, մենք այն մարդիկ ենք, ովքեր դատարանով, օրենքով ճանաչվել են տուժողի իրավահաջորդ»: Նա հավելել է, որ փաստաբանները նորից կդիմեն՝ թվարկելով հղումներն օրենքի կետերին՝ ի ապացույց, որ ԱԺ-ի տված մերժողական պատասխանն ուղղակի անհիմն է: Նշենք, որ զեկույցը պատրաստ էր հանրայնացման, երբ Ալեն Սիմոնյանը հայտնեց դրա գաղտնագրման մասին:
Առավել մանրամասն՝ «Գործընթաց» թերթում