ԻՐԱՎՈՒՆՔ //
Հստակ արձանագրվել է, որ այն ստորագրվել էր ուժի գործադրման սպառնալիքի ազդեցության տակ
Շահրամանյանի հայցն ընդդեմ ԿԳՄՍՆ-ի Հայաստանի պատմության 9-րդ դասարանի դասագրքում տեղ գտած թերությունների շուրջ, ըստ փաստաբան Ռոման Երիցյանի, որպես արդյունք՝ ուշագրավ դատական արձանագրում է ստացել: «Դատարանը արձանագրել է, որ նշված հրամանագիրը կայացվել է ուժի գործադրման կամ գործադրման անմիջական սպառնալիքի ազդեցության ներքո: Ուստի անգամ հրամանագրի ընդունման փաստը՝ իրականությանը չհամապատասխանելու դեպքում, դատարանը ողջամիտ չի համարում հայցվորին դրանով վնաս պատճառել: Դատարանը հավելում է, որ հայցվորը՝ հանդիսանալով Հայաստանի պատմության 9-րդ դասարանի դասագրքում քննարկվող իրադարձությունների ոչ միայն անմիջական մասնակից, այլև ուղղակի դերակատար, ինչպես նաև հաշվի առնելով դրանց ներկայիս քաղաքական կարևորությունը և պատմական ճշմարտությունը հետագա սերունդներին հավաստի կերպով փոխանցելու անհրաժեշտությունը, ուսումնական գործընթացի մաս կազմող դասագրքային նյութերում դրանց ամբողջական նկարագրության առնչությամբ կարող է բարձրացնել համապատասխան մտահոգություններ:
Դատարանն արձանագրել է նաև, որ նշված հրամանագիրը կայացվել է ուժի գործադրման սպառնալիքի ազդեցության տակ: Արձանագրել է, որ հայցվորի պատիվն ու արժանապատվությունը չնայած նշվածով չի արատավորվում, բայց այնուամենայնիվ պատմության դասագրքում տեղ գտած տեղեկությունները ոչ ամբողջական են: Դատարանը նշել է, որ հայցվորի մտահոգությունները տեղին են ու իրավաչափ, առաջարկել է տեղեկությունների ամբողջական ներմուծում դասագրքի մեջ: Արցախի նախագահի կողմից կայացված Արցախը լուծարելու վերաբերյալ հրամանագիրը առ ոչինչ է, այսինքն՝ անվավեր է հենց կայացման պահից»,- նշել է նա:
Առավել մանրամասն՝ «Գործընթաց» թերթում