ՇՆՈՐՀԱՎՈՐ ԱՄԱՆՈՐ ԵՎ ՍՈՒՐԲ ԾՆՈՒՆԴ //
2026 թվականը հանրային սպասումների ու ազգային նվիրական երազանքների համար դառնա շրջադարձային
«Գործընթաց» թերթի խմբագրակազմը շնորհավորում է հայրենակիցների, թերթի ընթերցողների Ամանորն ու Սուրբ Ծնունդը՝ մաղթելով, որ 2026 թվականը լինի արարման ու զարգացման համար նշանակալի, առողջությամբ, սիրո զորությամբ ու հավատով լեցուն:
Սիրով շնորհավորում ենք մեր բոլոր ընթերցողներին՝ անկախ, վստահելի, որակյալ լրատվություն նախընտրող, որոնց թիվը տարեցտարի աճում է: Մեր թերթի էջերից Դուք հաղորդակից եք իրավիճակային առաջատար վերլուծությունների, մասնագիտական կանխատեսումների: Ցանկա'նք, որ 2026 թվականը բոլորիս համար նշանավորվի աննախընթաց հաջողություններով ու ձեռքբերումներով: Թե՛ քաղաքական, թե՛ սոցիալ-տնտեսական կյանքում թո՛ղ 2026 թվականը լինի բեկումնային, երկրում ծառացած խնդիրների լուծման համար՝ խոստումնալից: Անսասան լինեն հայ եկեղեցին ու հավատքը, երկիրը զերծ լինի անիրավությունից, քաղբանտարկյալներից: Հօգուտ արժանապատիվ, արդար խաղաղության՝ մաղթե՛նք իշխանությանը ողջախոհություն, հայրենասիրություն և թշնամու ապօրինի շրջափակումից հայկական հողերի ապաշրջափակում, Բաքվում ապօրինի պահվող հայ գերիների վերադարձ: Մաղթե'նք, որ 2026 թվականը հանրային սպասումների ու ազգային նվիրական երազանքների համար դառնա շրջադարձային՝ կերտելով բարօր ապագա:
Շնորհավոր Ամանոր և Սուրբ Ծնունդ:
«Գործընթաց» թերթի խմբագրակազմ