ԿՐԹՈՒԹՅՈՒՆ //
…ՈՐ «ԳԻՏԵԼԻՔԻ, ԳՐԻ, ԴՊՐՈւԹՅԱՆ» ՕՐԸ ԴԱՌՆԱ ՆԵՐՇՆՉԱՆՔ՝ ԴԵՊԻ ՕԳՏԱԿԱՐ ԱՐԴՅՈւՆՔԻ ՍՏԵՂԾՈւՄ
Գիտելիքն անգնահատելի արժեք է, իսկ կյանքի բոլոր փուլերում արժեվորելով կիրթ ու գրագետ անհատին՝ պետությունը մրցունակ ենք դարձնում աշխարհակարգի արդի զարգացումներին: «Գործընթաց» թերթի խմբագրակազմը նոր ուսումնական տարվա մեկնարկի և «Գիտելիքի, գրի ու դպրության» օրվա առթիվ շնորհավորում է կրթության գործի նվիրյալներին, սաներին, ուսանողներին, դասավանդողներին, գիտության ստեղծարար առաքելության մասնակիցներին, կազմակերպիչներին՝ մաղթելով նրանց առողջություն ու երկարակեցություն, համառ, տոկուն աշխատանք, իսկ սովորողներին՝ ուսումնական առաջադիմություն, գիտելիքների և ունակությունների ամբարման արդյունավետ տարի, մասնագիտական անսպառ հաջողություններ ու նվաճումներ:
Ցանկա՛նք, որ դեպի գիտելիքների աշխարհ մուտքն ավետող «Գիտելիքի, գրի ու դպրության» օրը 2025/2026թթ. ուսումնական տարվա մեկնարկը լցնի առանձնակի ներշնչանքով՝ միտված պետության համար օգտակար արդյունքի ստեղծմանն, ինչպես նաև սովորողների զարգացման ու հոգու կատարելության կարևոր գործին:
«Գործընթաց» թերթի խմբագրակազմ