ԻՐԱԴԱՐՁԱՅԻՆ //
ՇՆՈՐՀԱՎՈ'Ր ԿԱՆԱՆՑ ՏՈՆԱԿԱՆ ՄԻԱՄՍՅԱԿ
Հայաստանում գարնան մեկնարկը տոնական միամսյակով՝ Մարտի 8-ից Ապրիլի 7-ն, ընդգծում է կին էակի նույնացումը ծաղկող բնության հետ, հմայքի ու իմաստնության հետ: Որքան կանայք ունեն առաքելություն՝ զարգացնելու իրենց որակներն, այնքան էլ տղամարդիկ պիտի ձգտեն պահպանել ու զարգացնել իրենց կարևորագույն արժանիքները՝ դարերով հայտնի: Անշուշտ, արժանավոր հայուհու սիրտը գրավելը դյուրին գործ չէ: Բացառիկ հաջողության գաղտնիքը հենց տղամարդու արժանիքների մեջ է, ինչը նրան թույլ է տալիս հավակնելու երանելի կնոջ՝ ի տարբերություն նրանց, ովքեր անտարբեր են կյանքի որակի հարցում:
Սեր, առողջություն, ոգեշնչում ու երջանկություն ենք մաղթում մեր հայրենակից իգական սեռի աշխարհասփյուռ ներկայացուցիչներին՝ կանանց, օրիորդներին, աղջիկներին: Թո՛ղ որ խնդության ու բերկրանքի առիթները բազում լինեն: Խորին երախտիք բոլոր հերոսածին մայրերին, որոնց առաքելությունը հանրային գնահատանքով է խորհրդանշվում:
Շնորհակալություն ենք հայտնում նաև ջերմ ու բարի շնորհավորանքների համար, որոնք ստացել ենք նաև մեր տարեցտարի ավելացող ընթերցողներից և գործընկերներից:
«Գործընթաց» թերթի խմբագրակազմ