ՍՊՈՐՏ //
2023թ․ քվեարկության ամփոփ արդյունքներով Հենրիխ Մխիթարյանը ճանաչվել է լավագույն ֆուտբոլիստ
Դեկտեմբերի 23-ին կայացած Իտալիայի Ա Սերիայի 17-րդ տուրի հանդիպմանը «Ինտեր»-ը 2-0 հաշվով հաղթել է «Լեչե»-ին: «Ինտեր»-ի կիսապաշտպան Հենրիխ Մխիթարյանը «Լեչե»-ի հետ հանդիպմանը դրսևորած հերթական հաջող մրցելույթով «Սուրբծննդյան հաղթանակ» բերեց՝ հուրախություն հայրենակիցների, երկրպագուների ու ֆուտբոլասեր հանրության: Հավելենք, որ Հենրիխ Մխիթարյանը մասնակցել է հանդիպմանը մեկնարկային րոպեներից՝ փոխարինվելով 89-րդ րոպեին:
Նշենք նաև, որ Հայաստանի ֆուտբոլի ֆեդերացիան ամփոփել է Հայաստանի 2023թ․ լավագույն ֆուտբոլիստի քվեարկության արդյունքները։ Հավաքելով 81 միավոր՝ 2023թ․ լավագույն ֆուտբոլիստ է ճանաչվել իտալական «Ինտերի» կիսապաշտպան Հենրիխ Մխիթարյանը։ Երկրորդ հորիզոնականը 48 միավորով զբաղեցրել է Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանը։ 21 միավորով երրորդ հորիզոնականը զբաղեցրել է Հայաստանի ազգային հավաքականի և «Ալ Ֆաթեհի» կիսապաշտպան Լուկաս Սելարայանը: