ԻՐԱՎԱԿԱՆ
ԼՂՀ ընտրված իշխանավորների դեմ Ս. Բաբայանի վարքում ժողովուրդը դավաճանության հիմքեր է տեսնում՝ պահանջելով ԱԱԾ-ից կոնկրետ քայլեր
Ըստ պաշտոնական տվյալների՝ Լեռնային Ղարաբաղից սեպտեմբերի 28-ի ժամը 14:00-ի դրությամբ Հայաստան է տեղափոխվել 70 հազար 500 բռնի տեղահանված անձ: Հընթացս նրանք հաշվառվում են, և արդեն 50 հազար 866-ը հաշվառված են: Բաքուն հետապնդում, կալանավորում և դաժան պատիժ է խոստանում նրանց, ովքեր համակարգել են ժողովրդի ինքնապաշտպանությունը: Բաքվի տեռորիստական պահանջով Արցախի Նախագահը հրամանագիր է ստորագրել այն մասին, որ հունվարի 1-ից Հանրապետությունը դադարում է գործել: Ռուբեն Վարդանյանը կալանավորվել, հետապնդվում է նաև Դավիթ Բաբայանը, փոխարենը Բաքուն արտոնել է պատերազմի մասնակից Սամվել Բաբայանին անցնել սահմանը, ավելին՝ նրա դեմ հետախուզում չի հայտարարել: Ուշագրավ է, որ նա հասնելով Հայաստան՝ հայտարարել է, թե երբ ՀՀ հասնեն ԼՂՀ ղեկավարները, նրանց պետք է ՀՀ իշխանությունը կալանավորի: Բաքուն հրատապ ընթացք տալով Բաբայանի՝ Երևանից հնչեցվող կոչերին, արդեն իսկ ակտիվ հետապնդման է անցել ԼՂՀ ընտրված իշխանության ներկայացուցիչների դեմ: Այս փաստերի հիմքով հայ հանրությունը Բաբայանի վարքում պետական դավաճանության հիմքեր է տեսնում՝ պահանջելով ԱԱԾ-ից կոնկրետ քայլեր: 1000-ավոր արցախահայեր հերթի են ,,Դեր Զորի,, ճամփին. դեպի Հայաստան ամեն վայրկյանը տարի է թվում: Արդեն իսկ մահեր են գրանցվել հենց ճանապարհին:
,,Գործընթաց,, թերթ