ԱՎԱԳԱՆՈՒ ԸՆՏՐՈՒԹՅՈՒՆՆԵՐ 2023
Ըստ ամփոփիչ արդյունքի՝ ձայների մեծ մասը տրվել է ընդդիմադիր ուժերին
Կենտրոնական ընտրական հանձնաժողովը սեպտեմբերի 18-ի արտահերթ նիստում ամփոփեց Երևանի ավագանու ընտրությունների նախնական արդյունքները։ Ընտրողների հիմնական ցուցակի ընդհանուր թիվը՝ 824,250: Ընտրողների ընդհանուր թիվը՝ 824,316: Քվեարկության մասնակիցների ընդհանուր թիվը՝ 234,436 կամ ընտրողների (28.44%-ը): Անվավեր քվեաթերթիկների թիվը՝ 2,763։ Անճշտությունների գումարային չափը՝ 195: Երևանի ավագանու ընտրություններին մասնակից քաղաքական ուժերի ստացած քվեները՝
- Հանրային ձայն կուսակցություն- 22,431 կամ 9.68%
- Քաղաքացիական պայմանագիր կուսակցություն- 75,463 կամ 32.57%
- Արդար Հայաստան կուսակցություն- 2,595 կամ 1.12%
- Հաղթանակ կուսակցություն 3,959 կամ 1.71%
- Ուժը հայրենյաց կուսակցություն 1,706 կամ 0.74%
- Հայաստանի եվրոպական կուսակցություն- 2,572 կամ 1.11%
- Ազգային առաջընթաց կուսակցություն- 43,765 կամ 18.89%
- Հանուն սոցիալական արդարության կուսակցություն- 780 կամ 0.34%
- Հանրապետություն կուսակցություն- 26,236 կամ 11.32%
- Միացյալ Հայաստան կուսակցություն- 1,282 կամ 0.55%
- Լուսավոր Հայաստան կուսակցություն- 4,174 կամ 1.80%
- Ժողովրդավարական համախմբում կուսակցություն- 2,348 կամ 1.01%
- Ապրելու երկիր կուսակցություն- 8,425 կամ 3.64%
- Մայր Հայաստան կուսակցությունների դաշինք- 35,739 կամ 15.43%
ԿԸՀ նախագահը նաև հիշեցրեց, որ Երևանի ավագանու ընտրությունների պարագայում կուսակցությունների համար անցողիկ շեմը 4% է, կուսակցությունների դաշինքների դեպքում՝ 6%: Այս ամփոփումից բխում է, որ Երևանի բոլոր 475 տեղամասերից ստացված արդյունքներով մանդատները կբաշխվեն հետևյալ կերպ՝
- «Քաղաքացիական պայմանագիր» – 24
- «Ազգային առաջնթաց» – 14
- «Մայր Հայաստան» – 12
- «Հանրապետություն» – 8
- «Հանրային ձայն»- 7
ՔՊ-ն չունի 50%+1 արդյունք, հետևապես՝ կպահանջվի կազմել կոալիցիա կամ գնալ նոր ընտրության:
Առավել մանրամասն՝ «Գործընթաց» թերթում