ՇՐՋԱՓԱԿՎԱԾ ԱՐՑԱԽ //
Ստեփանակերտում բարձրացվել է Ֆրանսիայի դրոշն՝ ի նշան Փարիզի հանդեպ խորին երախտիքի
Ի դեմս Փարիզի քաղաքապետ Անն Իդալգոյի՝ տասը բեռնատարներից բաղկացած հումանիտար օգնությունն այսօր առավոտյան Երևանից հասել է Կոռնիձոր, Լեռնային Ղարաբաղի հետ սահման, սակայն Ադրբեջանը չի թույլատրել, որ ուղարկված հումանիտար օգնությունը մուտք գործի շրջափակված Արցախ։ Բաքուն, շարունակելով վերջնագրերի պարտադրումը և ցեղասպանական քաղաքականությունը ԼՂ բնիկ ժողովրդի՝ հայերի հանդեպ, պնդում է, թե Արցախը պարտավոր է ընդունել իր ուղարկած, իրականում անհայտ ծագման, ամենայն հավանականությամբ թույն հանդիսացող և իբրև ալյուր մատուցվող բեռը, որը մերժվում է Արցախի ժողովրդի կողմից բողոքի ակցիայով:
Ստեփանակերտի Վերածննդի հրապարակում, ժողովուրդը բարձրացրել է Ֆրանսիայի դրոշն՝ ի նշան խորին երախտագիտության: Արցախի ԱԳՆ-ն ևս պաշտոնական երախտիք է հայտնել Ֆրանսիային:
<<Գործընթաց>> թերթ