ԻՐԱՎԱԿԱՆ    

 Դատարանի որոշմամբ Ադրբեջանը պետք է պատասխանի մինչև երկուշաբթի 

Միջազգային իրավական հարցերով ՀՀ ներկայացուցչի գրասենյակը երեկ դիմել է Մարդու իրավունքների եվրոպական դատարան՝ պահանջելով կիրառել միջանկյալ միջոցներ Ադրբեջանի նկատմամբ և պարտավորեցնել վերջինիս ապաշրջափակել Բերձորի (Լաչինի) միջանցքը: Այսօր Եվրոպական դատարանը որոշում է կայացրել Հայաստանի ներկայացրած միջանկյալ միջոցներ կիրառելու պահանջի վերաբերյալ: Դատարանի որոշմամբ՝ Ադրբեջանին ժամանակ է տրամադրվել մինչև երկուշաբթի՝ դեկտեմբերի 19-ը, ժամը 16:00-ը՝ (Ֆրանսիայի ժամանակով) պատասխան ուղարկել Հայաստանի ներկայացրած պահանջի վերաբերյալ, որից հետո Դատարանը կկայացնի վերջնական որոշում: