ԻՐԱՎԱԿԱՆ //
Որոշման հիմքում Արտահանձնման Եվրոպական կոնվենցիան է
ԱՌԵՐԵՎՈՒՅԹ Է ՆԱԵՎ ԱՆՁԻ ՔԱՂԱՔԱԿԱՆ ՀԵՏԱՊՆԴՈՒՄԸ
Ֆրանսիայի դատական մարմինները բացասական կարծիք են հայտնել ՀՀ դատախազության դիմումին՝ Սյունիքի նախկին մարզպետ Սուրիկ Խաչատրյանին Հայաստանին արտահանձնելու դիմումի վերաբերյալ: Այս մասին հայտնել է Գլխավոր դատախազությունն՝ ի պատասխան մամուլի հարցումների: Երևանը Փարիզից մերժումը ստացել է մոտ մեկ ամիս առաջ։ Այս կապակցությամբ Ֆրանսիայի Եվրոպայի և արտաքին գործերի նախարարությունից ՀՀ արտաքին գործերի նախարարության միջոցով ՀՀ գլխավոր դատախազությունում 2022 թվականի հոկտեմբերի 28-ին ստացվել է գրություն այն մասին, որ 2022 թվականի հունիսի 6-ին կայացրած որոշման համաձայն՝ դատական մարմինները բացասական կարծիք են հայտնել Սուրիկ Խաչատրյանին արտահանձնելու դիմումի վերաբերյալ՝ նկատի ունենալով, որ 1957 թվականի դեկտեմբերի 13-ի Արտահանձնման եվրոպական կոնվենցիայի վերաբերյալ Ֆրանսիայի կողմից արված վերապահման համաձայն՝ արտահանձնումը նրա համար «կարող է ունենալ բացառիկ ծանր հետևանքներ»:
Նշենք, որ Արցախյան 1-ին ազատամարտի կամավորական գումարտակի հրամանատար Սուրիկ Խաչատրյանի դեմ ՀՀ իշխանության քաղաքական հետապնդումները սկսվել են 2018թ.-ի իշխանափոխությունից հետո: Հավելենք, որ ներկայիս ՀՀ գլխավոր դատախազը մինչ դատախազ նշանակվելն աշխատել է ՀՀ վարչապետ Նիկոլ Փաշինյանին ենթակա՝ օգնականի դերում:
«Գործընթաց» թերթ