ԿՐԹՈՒԹՅՈՒՆ //
2022/2023թթ. ՆՈՐ ՈՒՍՈՒՄՆԱԿԱՆ ՏԱՐՎԱ ՄԵԿՆԱՐԿ
Սերունդը տանել կրթասիրության, գրագետ մարդ-քաղաքացի կերտելու ճանապարհով, ահավասիկ, համակարգային հարց է՝ ընտանիքից մինչև կրթհաստատություն, որում յուրաքանչյուրը պետք է լինի աչալուրջ, պատասխանատու ու նվիրված՝ ի շահ ակնկալվող արդյունքի: Աշխարհի գերտերությունները գիտության արարմունքով, նոր նվաճումներով են առաջադեմ: Այս մրցավազքում պետք է պահպանել դարերից եկող մեր հավատամքը՝ կարդալու, կրթվելու, մտավոր ներուժին զարկ տալու ու զարգանալու կայուն գաղափարախոսությամբ:
«Գիտելիքի, գրի ու դպրության» օրվա առթիվ «Գործընթաց» թերթի խմբագրակազմը շնորհավորում է կրթության, գիտության, մշակույթի ու մարզական ոլորտի մշակներին, դասավանդողներին, ուսումնասեր, կրթվող հանրույթին՝ մաղթելով, որ 2022/2023թթ. ուսումնական տարին լինի բարձր առաջադիմության, գիտական մտքի արդյունքով, բազում նվաճումներով նշանավոր: Թո՛ղ, որ վաղվա ու գալիքի ձգտումներն ու նպատակադրումներն իրականանան լույսի ուժով ու աշխատասիրությամբ: Շնորհավո՛ր «Գիտելիքի, գրի ու դպրության» օր:
«Գործընթաց» թերթի խմբագրակազմ