ՔԱՂԱՔԱԿԱՆ
Ռուսաստանի փոխվարչապետն այսօր Բաքվից ժամանել է Երևան, հանդիպում է վարչապետ Փաշինյանի հետ
Նոյեմբերի 26-ին Սոչիում տեղի կունենան Հայաստանի, Ռուսաստանի, Ադրբեջանի ղեկավարներ Նիկոլ Փաշինյանի, Վլադիմիր Պուտինի և Իլհամ Ալիևի եռակողմ բանակցությունները։ Տեղեկությունը հաստատել է նաև Կրեմլի մամլո ծառայությունը: Հաղորդվում է, որ Սոչիում կքննարկեն 2020-ի նոյեմբերի 9-ի և 2021-ի հունվարի 11-ի եռակողմ պայմանավորվածությունների իրականացումը: Հատուկ ուշադրություն է դարձվելու առևտրատնտեսական և տրանսպորտային կապերի վերականգնմանը։
Ռուսաստանի փոխվարչապետն այսօր Բաքվից ժամանել է Երևան, հանդիպում է վարչապետ Փաշինյանի հետ: Մինչ Հայաստան ժամանելը Բաքվում նա հանդիպել էր Իլհամի հետ։ Պաշտոնական հաղորդագրության համաձայն` նրանք մտքեր են փոխանակել Ռուսաստանի, Ադրբեջանի և Հայաստանի փոխվարչապետների նախագահությամբ եռակողմ աշխատանքային խմբի գործունեության, ինչպես նաև ապագա ծրագրերի վերաբերյալ։