ՍՈՑԻԱԼԱԿԱՆ
Ըստ ներկայացված հայտի՝ սակագինն ակնկալում են բարձրացնել 180 դրամից 223,7 դրամ
Ըստ ՀՀ Հանրային ծառայությունները կարգավորող հանձնաժողովի սահմանած՝ ,,Վեոլիա Ջուր,, ՓԲԸ-ի կողմից բաժանորդներին խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման սակագների՝ 2021 թվականին սպառողների համար ջրի սակագինը ներկայում անփոփոխ է՝ մեկ խորանարդ մետրի համար 180 դրամ: Նշենք, որ ՀՀ-ում ԱԺ հետընտրական, հետպատերազմական ու համավարակի ճգնաժամային այս պայմաններում, և ոչ օրինակ՝ ՔՊ կուսակցապետի մուրճով նախընտրական արշավին, ԿԸՀ-ից ստացած քվեներից կարծես դժգոհ իշխանիկները, հիմա էլ գնաճի անակնկալ նոր հարված են նախապատրաստում սպառողների համար: Սույն թվականի օգոստոսի 9-ին ,,Վեոլիա Ջուր,, ՓԲԸ-ի կողմից ներկայացվել է խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման սակագների վերանայման հայտ, համաձայն որի՝ մանրածախ ծառայությունների մատուցման սակագների գումարային մեծությունն, ըստ իրենց հաշվարկի՝ կազմում է 223,7 դրամ/խմ (ներառյալ ԱԱՀ):
Հրապարակվել է <<Գործընթաց>> թերթի 305 համարում
Իրինա Դանիելյան