ԱՐՑԱԽ
Դեպքի մասին տեղեկացրել են Արցախում ռուսական խաղաղապահ զորակազմի հրամանատարությանը
Այսօր՝ նոյեմբերի 2-ին՝ օրվա երկրորդ կեսին, Արցախի Հանրապետության Մարտունու շրջանի Կարմիր շուկա համայնքի ուղղությամբ թշնամու բանակի ստորաբաժանումները հրաձգային զինատեսակներից անկանոն կրակ են բացել։ Այս մասին «Արցախպրես»-ի թղթակցի հետ զրույցում հաստատել է Արցախի Հանրապետության ՊԲ մամուլի խոսնակ Սուրեն Սարումյանը։ «Նախնական տվյալներով՝ տուժածներ չկան»,֊ նշել է Ս. Սարումյանը։ Նա հավելել է, որ դեպքի մասին տեղեկացրել են Արցախում ռուսական խաղաղապահ զորակազմի հրամանատարությանը։