ՔԱՂԱՔԱԿԱՆ
«Արցախն ուրացողը դավաճան է» համոզմունքն անվիճելի ճշմարտություն է
Այսօր ԱԺ ամբիոնից ելույթ ունենալիս «Արցախն ուրացողը դավաճան է» իր համոզմունքն արտահայտելու համար «Հայաստան» խմբակցության պատգամավոր Գեղամ Մանուկյանին նախ՝ ընդհատել է ԱԺ նիստը վարող Ռուբեն Ռուբինյանն, ապա սկսել ագրեսիվորեն հաշիվ պարզել, թե ու՞մ է այն վերաբերվում: Լսելով այլ անձի անուն՝ կուսակից Վիգեն Խաչատրյանի անունը, Ռուբինյանը հակաճառել է պատգամավոր Գեղամ Մանուկյանի հետ, այնուհետ անցել բռնի կարգով ընդդիմադիր պատգամավորի ելույթը խոչընդոտելուն՝ հրահանգելով, որ անջատեն Մանուկյանի խոսափողը և անվտանգության աշխատակիցները նրան հեռացնեն ամբիոնից: Հայտարարվել է ընդմիջում:
Նշենք, որ օրենքով սահմանված է հատուկ ընթացակարգ, որով Վիգեն Խաչատրյանը կարող էր արձագանքել իրեն ուղղված Գեղամ Մանուկյանի խոսքին: Այդ կարգից դուրս ապօրինի է կամայականորեն պատգամավորի ելույթը գնահատել այս կամ այն կերպ ու խոչընդոտել ազատ խոսքի արտահայտումը: Ըստ էության՝ փոխխոսնակ Ռուբինյանը շփոթել է իր գործառույթները դատարանի կամ էթիկայի հարցերով հանձնաժողովի հետ:
<<Գործընթաց>> թերթ