ՏԻՄ // Ընտրական
Շիրակում, Սյունիքում, Տավուշում, Լոռիում ընտրությունների մի մասը՝ ՏԻՄ համամասնական ընտրակարգով
ՀՀ կենտրոնական ընտրական հանձնաժողովը հաստատել է առաջիկա ՏԻՄ ընտրությունների կազմակերպման և անցկացման համար անհրաժեշտ փաստաթղթերի օրինակելի ձևերն ու կարգերը: Հոկտեմբերի 17-ին նախանշված են համայնքի ղեկավարի և ավագանու ընտրություններ Արագածոտնի Շամիրամ և Լոռու մարզի Ֆիոլետովո համայնքներում, ավագանու անդամի ընտրություն Արմավիրի մարզի Ֆերիկ համայնքում: Նույն օրը նախանշված են ՏԻՄ համամասնական ընտրակարգով ընտրություններ Շիրակի մարզի Գյումրի և Սյունիքի մարզի Գորիս, Տաթև, Տեղ, Մեղրի համայնքներում և ՏԻՄ համամասնական կարգով ընտրություն Տավուշի մարզի Դիլիջան համայնքում:
Նոյեմբերի 14-ին նախանշված են համայնքի ղեկավարի և ավագանու ընտրություններ Լոռու մարզի Լերմոնտովո համայնքում և ավագանու անդամի ընտրություն Կոտայքի մարզի Արզնի համայնքում: Նույն օրը կկայանան ՏԻՄ համամասնական ընտրակարգով ընտրություններ Լոռու մարզի Ստեփանավան համայնքում, Սյունիքի մարզի Կապան համայնքում և Տավուշի մարզի Իջեվան համայնքում: