ՏԵՍԱԿԵՏ
ԱԺ-ն «օկուպացնող» ՔՊ «մարտական զորախումբը» ինչո՞ւ չեք ուղարկում բացելու Գորիս-Կապան միջպետական ճանապարհը
ՀՀԿ խոսնակ Էդուարդ Շարմազանովը գրել է․ «Կարծում եմ շուտով կապիտուլյանտների թիմը «լուրջ դեմքով» կհայտարարի, որ Սյունիքում նման խայտառակ իրավիճակի և ադրբեջանցիների կողմից Գորիս-Կապան ճանապարհի փակման մեղավորը իրենք չեն, այլ՝ Մխիթար Սպարապետն ու Գարեգին Նժդեհն են։ Դե սրանց մոտ ավանդույթ է դարձել իրենց հողատու քայլերի մեջ մեղադրել հայրենիքն ազատագրողներին։ Իսկ իրականում Հայաստանում իրավիճակը ողբերգական է։ 2018-ի հակապետական «հեղափոխությունից» առաջ, նույնիսկ ամենավատ երազում չէիր կարող պատկերացնել, որ ՀՀ ինքնիշխան տարածքում թուրքը ճանապարհ կարող է փակել։ Իսկ կապիտուլյանտ իշխանության պարագլուխը շարունակում է «խաղաղություն» գոռալով ոչնչացնել Հայաստանի ինքնիշխանությունը։
Հ.Գ. ԱԺ-ն «օկուպացնող» ՔՊ «մարտական զորախումբը» ինչո՞ւ չեք ուղարկում բացելու Գորիս-Կապան միջպետական ճանապարհը։ Սրանք ընդդիմության հետ պատերազմում են, բայց ադրբեջանցու հետ «խաղաղություն» մուրում»: