ԻՐԱՎԱԿԱՆ
Նրան մեղադրանք է առաջադրվել հուլիսի 14-ի գիշերը Գորիսում տեղի ունեցած կրակոցների դեպքով
Ըստ լրատվամիջոցներին ՀՀ քննչական կոմիտեից հաղորդման՝ Գորիսում տեղի ունեցած հրաձգության գործով Սյունիքի մարզպետ Մելիքսեթ Պողոսյանի որդու՝ Կարեն Պողոսյանի նկատմամբ հետախուզում է հայտարարվել։ Նա ներգրավվել է որպես մեղադրյալ՝ սպանության փորձ կատարելու և ապօրինի զենք պահելու հոդվածներով։
Դեպքի առթիվ ՀՀ քննչական կոմիտեի Սյունիքի մարզային քննչական վարչության Գորիսի քննչական բաժնում հարուցված է քրեական գործ՝ ՀՀ քրեական օրենսգրքի 34-104-րդ հոդվածի 1-ին մասով, 258-րդ հոդվածի 4-րդ մասով և 235-րդ հոդվածի 1-ին մասով: Միջադեպի հետևանքով վիրավորվել էին Սյունիքի նախկին մարզպետ Սուրիկ Խաչատրյանի աներորդին ու ևս մի քաղաքացի: