ԻՐԱԴԱՐՁԱՅԻՆ
Փաշինյանի հե՞տ է վիճել, թե՞ ՍԴ-ում բացահայտված ԱԺ ընտրախախտումներից է նեղվել...
ՀՀ Կենտրոնական ընտրական հանձնաժողովի նախագահ Տիգրան Մուկուչյանը հուլիսի 14–ին սուր ինֆարկտով հոսպիտալացվել է: Այս մասին լուրը հաստատել են ՀՀ ԿԸՀ-ից: Նույն աղբյուրի տեղեկացմամբ վիրահատությունից հետո այժմ ԿԸՀ նախագահի ինքնազգացողությունը լավ է։
Ավելի վաղ, ՍԴ-ում հունիսի 20-ի ընտրարդյունքի վիճարկման դատաքննության ժամանակ նրան հարց էր ուղղվել՝ կապված մամուլի այն հրապարակումների հետ, ըստ որոնց նրա և վարչապետի ժ/պ Նիկոլ Փաշինյանի միջև վիճաբանություն էր եղել, քաշքշուկ, որի ընթացքում պատռվել էր Մուկուչյանի բաճկոնը, սակայն դատարանում նա չէր հաստատել այդ լուրերը:
Հավելենք, որ ՍԴ-ում մերժվել են ընդդիմադիր ուժերի, այսինքն՝ բողոքարկող կողմի մի շարք միջնորդություններ, և թերի քննությամբ դատարանն անցել է խորհրդակցական սենյակ որոշում կայացնելու:
,,Գործընթաց,, թերթ