ՎԵՐԼՈՒԾԱԿԱՆ ՆՐԱ ՀՐԱՎԵՐՈՎ ՇՈՒՇԻ ԱՅՑԻՆ ՉԵՆ ՄԱՍՆԱԿՑԵԼ ԱՄՆ-Ի, ՖՐԱՆՍԻԱՅԻ ԵՎ ՌԴ-Ի ԴԵՍՊԱՆՆԵՐԸ
Հուլիսի 10-ին Ադրբեջանի կառավարության՝ ի դեմս Իլհամ Ալիևի հրավերով Շուշի այցելած 46 պետությունների դեսպանների շարքում բացակայել են Մինսկի խմբի անդամ երկրների՝ ԱՄՆ-ի, Ֆրանսիայի և Ռուսաստանի դեսպանները: Նրանք հրաժարվել են ընդունել պաշտոնական Բաքվի հրավերը և չեն մեկնել Շուշի, որի մասին լուրը հաստատել են անգամ տեղի լրատվականները:
Դա ըստ էության ապտակ է Ալիևին, որը տևական ժամանակ արհամարհում է Մինսկի խմբի ջանքերը վերսկսելու բանակցային գործընթացը 3 հիմնարար սկզբունքների՝ ուժի չկիրառման, ազգերի ինքնորոշման և տարածքային ամբողջականության հիմքերով: Ավելին՝ Ադրբեջանը 2020թ. կոպտորեն խախտելով ուժի չկիրառման և ազգերի ինքնորոշման սկզբունքները, որոնք ամրագրվել էին Մինսկի խմբի 30 տարվա աշխատանքի ընթացքում կազմված բանակցային փաստաթղթերում, կասետային և ֆոսֆորային արգելված ռումբերի կիրառմամբ, այդ թվում՝ խաղաղ բնակչության, կանանց և մանկահասակների դեմ, 44 օր պատերազմ մղեց՝ բռնազավթելով հայկական բնօրրան հանդիսացող տարածքները և հայրենազրկեց տեղաբնիկ բազմահազար հայերի: Հիշեցնենք, Լեռնային Ղարաբաղում մինչ 1980-90-ականների պատերազմը հայերը կազմում էին բնակչության 90%-ը, մնացյալը տարբեր ազգության ներկայացուցիչներ էին, չնչին մասն՝ ադրբեջանցիներ:
Վերը նշված Շուշի այցի շուրջ տարածված լուրերը հաստատում են, որ Ադրբեջանի նախագահի արտաքին քաղաքականության հարցերով օգնական Հիքմեթ Հաջիևը հայտարարել է, որ դիվանագիտական կորպուսի այցը Շուշի կազմակերպվել է նախագահ Իլհամ Ալիևի անձնական հանձնարարությամբ:
Առավել մանրամասն՝ ,,Գործընթաց,, թերթում