ՔԱՂԱՔԱԿԱՆ ՀԵՏԱՊՆԴՈՒՄ
ԲԺՇԿԱԿԱՆ ՀԱՆՐՈՒՅԹԸ ԴԱՏԱՊԱՐՏՈՒՄ Է ԱՆԱՆՈՒՆ ՀԱՂՈՐԴՄԱՆ ՀԻՄՔՈՎ ՔՐ. ԳՈՐԾԻ ԱՊՕՐԻՆԻ ՀԱՐՈՒՑՈՒՄԸ
«Իզմիրլյան» ԲԿ-ի մեծ թվով բժիշկներ հայտարարել են, որ վաղվանից որևէ հիվանդի չեն սպասարկելու: Ինչպես հայտնի է, իշխանությունը քաղաքական հետապնդմամբ 1 ամսով կալանավորել է ,,Հայաստան, դաշինքի թեկնածու, «Իզմիրլյան» ԲԿ-ի ղեկավար, բժիշկ-վնասվածքաբան, պրոֆեսոր Արմեն Չարչյանին: Ըստ նրա փաստաբանի՝ Էրիկ Ալեքսանյանի մեղադրանքն ակնհայտ անօրինական է, քանի որ ի սկզբանե քրեական վարույթը հարուցվել է ոչ իրավաչափ հիմքերի հիման վրա: Նրա դիտարկմամբ՝ քրեական գործի հարուցման օրինական առիթ կարող է հանդիսանալ բացահայտված աղբյուրից ձեռք բերված տեղեկատվությունը, մինչդեռ՝ քրեական գործը հարուցվել է թելեգրամյան ալիքներից մեկում հրապարակված ձայնագրության հիմքով: Դա հավասարազոր է անոնիմ հաղորդմանը, ինչը երբեք որպես քրեական գործի հարուցման առիթ չի կարող հանդիսանալ: «Այն փաստական տվյալները, որը դատարանը գնահատել է և դրանով իսկ հաստատել է հիմնավոր կասկածի առկայությունը, արդեն իսկ իրավաբանությունից դուրս դատողություններ են: Մենք գործ ունենք անթույլատրելի փաստական տվյալների հետ, նման պայմաններում դատարանը չէր կարող հաստատել հիմնավոր կասկածի առկայությունը»,-ասաց Ալեքսանյանը:
Ըստ էության ապօրինի խոչընդոտվում է նաև բժիշկ Չարչյանի և նրա գլխավորած կառույցի գործունեությունը: Բժիշկը ստիպված է եղել հետաձգել մի շարք վիրահատություններ: Նախքան նրա մեկամսյա կալանքի մասին դատավոր Արմինե Մելիքսեթյանի նախագահությամբ դատական ակտի հրապարակումը բակում հավաքվել էին «Իզմիրլյան» ԲԿ-ի մեծ թվով բիշկներ, որոնք հայտարարել են, որ որևէ հիվանդի չեն սպասարկելու։
Ըստ էության դատարանը մասնակի բավարարել է ՀՔԾ քննիչի միջնորդությունը ու մեկ ամսով Արմեն Չարչյանին կալանավորելու որոշում կայացրել, որը նրա փաստաբանը պատրաստվում է բողոքարկել:
,,Գործընթաց,, թերթ