ԵԽԽՎ // ՄԻՋԱԶԳԱՅԻՆ ԻՐԱՎՈՒՆՔ
Դեմ են քվեարկել 8 պատվիրակ Թուրքիայից, 6-ն՝ Ադրբեջանից, 5-ը՝ Ռուսաստանից
Եվրախորհրդի Խորհրդարանական վեհաժողովում հայ գերիների ազատարձակմանը վերաբերվող հարցը քննարկման օրակարգ ընդգրկելու համար կայացած քվեարկության անվանական արդյունքներն արդեն հայտնի են: Ըստ ԵԽԽՎ պաշտոնական կայքի՝ «Հայ ռազմագերիներ, այլ գերիներ եւ տեղահանվածներ» հարցն օրակարգ մտցնելուն 93 պատվիրակ կողմ է քվեարկել, 21-ը՝ դեմ, 18-ը ձեռնպահ: Դեմ են քվեարկել 8 պատվիրակ Թուրքիայից, 6-ն՝ Ադրբեջանից, 5-ը՝ Ռուսաստանից, այդ թվում՝ ՌԴ պատվիրակության ղեկավար Լեոնիդ Սլուցկին, նախկին գեղասահորդ Ի. Ռոդնինան, 1 պատվիրակ Հունգարիայից և նույնքան էլ Սերբիայից: Ձեռնպահ քվեարկողների թվում 7-ը ՌԴ-ից են: Քննարկման արդյունքը հայտնի կդառնա առաջիկայում: