ԲՈՂՈՔԻ ԱԿՑԻԱ   

         Քաղաքացիները փետրվարի 3-ին ՀՀ  Ազգային ժողովի շենքի մոտ բողոքի ակցիա իրականացրեցին՝ ընդդեմ ԱԺ արտահերթ նիստում քննարկվող նախագծերի և «Իմ քայլը» խմբակցության պատգամավորների, այդ թվում՝ Անուշ Բեղլոյանի հակազգային հայտարարությունների:  Ակցիայի մասնակիցները խորհրդարանի բակ նետեցին ուսապարկեր և գոմաղբ, «Իմ քայլը» խմբակցության պատգամավոր   Անուշ    Բեղլոյանի   լուսանկարները՝ «դավաճան» գրառմամբ: 

ՀՀ Ազգային ժողովի շենքի մոտ ոստիկանությունը մեծաքանակ ուժեր էր կուտակել, և ակցիայի ժամանակ բերման ենթարկվեցին մի խումբ ցուցարարներ:

Ակտիվիստներն Ազգային ժողովից երթով շարժվեցին դեպի Հանրապետության հրապարակ, որտեղ ավարտեցին բողոքի ակցիան: