3-ՕՐՅԱ ՍՈՒԳ
ՍՐԲԱՊԻՂԾԸ ՀԱՐԱՄԵՑ ՀԱՆՈՒՆ ՀԱՅՐԵՆԻՔԻ ՓԱՌՔՈՎ ՀԱՎԵՐԺԱՑԱԾ ՀԵՐՈՍՆԵՐԻ ՀԻՇԱՏԱԿԻ 3-ՕՐՅԱ ՍՈՒԳԸ
Դեկտեմբերի 19-ին լրացավ ռազմական գործողությունների ավարտի 40-րդ օրն, ուստի դեկտեմբերի 19-21-ը Հայաստանի Հանրապետությունում և Արցախի Հանրապետությունում 3-օրյա սուգ է հայտարարվել: 3-օրյա սուգն Արցախյան ազատամարտում մեր հինավուրց բնօրրանի պաշտպանության համար մղված հերոսամարտերում անմահացած քաջորդիներին արժանի համաժողովրդական խոնարհումի առիթ է և պատգամ ունի՝ փրկել հայրենիքը նենգ ու համառ թշնամուց: Հիշեցնենք, ավելի վաղ կայացել էր բազմահազարանոց հիշատակի միջոցառում հրապարակում մոմավառությամբ՝ մեր հազարավոր հերոսների ոգին փառավորելով հավերժի լույսով:
Բոլորիս հայտնի պատճառներով այս 3-օրյա սուգին 1-ին անգամ հանրային պահանջ էր առաջադրվել, որ վարչապետ Ն. Փաշինյանը չայցելի Եռաբլուր: Դա զոհերի հարազատների, սևազգեստ մայրերի, 17 հասարակական կազմակերպությունների պահանջն էր, որը սրբապիղծ Փաշինյանը չհարգեց՝ իր դասալիքների խմբով, զինյալ թիկնազորով ներխուժելով Եռաբլուր: Նա թքած ուներ, թե իր հետևից քայլող դասալիքների և իր այցը Եռաբլուր թույլ չտվող զոհերի հարազատների ու ազատամարտիկների միջև ի՞նչ բախում կլիներ: Արյունախում Փաշինյանը սադրեց հերթական հանրային առճակատումը, թույլ չտալով, որ 1,5 մլն մեր ցեղասպանության նահատակներին ավելացած մեր Արցախյան հերոսների հիշատակի միջոցառումն անցնի խաղաղ: Նա հեռացավ ,,Նիկոլ, դավաճա՛ն՛՛, ,,Նիկոլ հեռացի՛ր,, վանկարկումների ներքո: Ամոթ սրբապիղծ դավաճանին, հավերժ փ՛առք մեր քաջերի լուսավառ հոգիներին, ամուր կամք և խորին հարգանք նրանց հարազատներին:
,,Գործընթաց,, թերթ