ԱՐՑԱԽԻ ՃԱՆԱՉՈՒՄ
Պատերազմի ընթացքում Արցախի ճանաչումն ընդունած աշխարհի առաջադեմ երկրների պետական կառույցների ցանկը
Միջազգային հանրությունը հակված է ճանաչել 1994թ. մասամբ ազատագրված Արցախը: Ուշագրավ է, որ պատերազմի ընթացքում Արցախի ճանաչման ակտերը, շնորհիվ նաև մեր սփյուռքի ակտիվ ջանքերի, բազմապատկվեցին: Այս առումով առաջատար երկրների ցանկում են ԱՄՆ, Ֆրանսիան, Իտալիան, Իսպանիան և այլն: Ստորև հրապարակում ենք պատերազմի ընթացքում Արցախի ճանաչումն ընդունած աշխարհի առաջադեմ երկրների պետական կառույցների ցանկը.
- Շվեյցարիայի Ժնևի քաղաքային խորհուրդ
- ԱՄՆ-ի Գլենդել քաղաք
- Ֆրանսիայի մայրաքաղաք Փարիզ
- Կատալոնական Բերգա քաղաքի քաղաքային խորհուրդ
- Իտալիայի Լոմբարդիա տարածաշրջանի Տարածքային խորհուրդ
- Գվատեմալայի Հանրապետության Սայախչեի քաղաքապետարան
- Կանադայի Լավալ քաղաք
- ԱՄՆ Հավայնի նահանգ
- ԱՄՆ Միչիգանի նահանգ /մինչ այս արդեն ճանաչել էին ԱՄՆ-ի Մասսաչուսեթս, Ռոդ Այլենդ, Մեն, Լուիզիանա, Կալիֆոռնիա, Ջորջիա նահանգները/
- ԱՄՆ Նյու Ջերսի նահանգի Ռիջեֆիլդի քաղաքային խորհուրդ
- Ֆրանսիայի Հանրապետության Կորսիկա շրջանի օրենսդիր մարմին
- Իսպանական Կորունյա քաղաք
- Իտալիայի Պալերմո քաղաք
- Իտալիայի Միլան քաղաք
- Կատալոնական Ամպոստա քաղաք
- Անգլիայի Դերբի քաղաք
- ԱՄՆ Ֆաուլեր քաղաքի քաղաքային խորհուրդ
- Ուրուգվայի ամենամեծ նահանգներից Պայսանդուի օրենսդիր մարմին
- Ուրուգվայի Մոնտեվիդեո նահանգի օրենսդիր մարմին
- Իտալիայի Կարբոնյանո համայնքի խորհուրդ Միլան և
- Իտալիայի Ազոլո քաղաք
- Իտալիայի Չերքիարա դի Կալաբրիա քաղաք
- ԱՄՆ Նևադայի ամենամեծ՝ Քլարք շրջանի Հանձնակատարների խորհուրդ
- Ֆրանսիայի Բուշ-դյու-Ռոն դեպարտամենտի խորհուրդ
- Ֆրանսիայի Վիեն քաղաքի քաղաքային խորհուրդ
- Ֆրանսիայի Լիմոնե քաղաք
- Ֆրանսիայի Օ դը Սեն դեպարտամենտի խորհուրդ
- Իտալիայի Վիարեջջո քաղաք
- Իտալիայի Ֆորլի համայնք
- Իտալիայի Պիզա քաղաք
- Իտալիայի Արկո համայնք
- Ֆրանսիայի 15 քաղաքապետեր
- Ֆրանսիայի Նիցցա-Կոտ դ°Ազյուր մետրոպոլի խորհուրդ
- Ֆրանսիայի Անիեր-Սյուր-Սենի քաղաքային խորհուրդ
Բելգիայի, Լյուքսեմբուրգի, Կիպրոսի և այլ երկրների խորհրդարաններում Ադրբեջանի ագրեսիան դատապարտող բանաձևեր ընդունվեցին: Արցախ այցելեցին և իրավիճակին ծանոթացան խորհրդարանականներ Գերմանիայից, Ֆրանսիայից և Ռուսաստանից: Առաջիկայում ևս Ֆրանսիայից կայցելեն, իսկ խորհրդարանի կողմից Արցախի Հանրապետությունը ճանաչելու բանաձևին անդրադարձել ենք առանձին հոդվածով:
Ավստրալիայի խոշորագույն նահանգներից մեկի՝ ավելի քան 7 միլիոն բնակչություն ունեցող Նոր Հարավային Ուելսի օրենսդիր մարմինը ևս պաշտոնապես ճանաչել է Արցախի անկախությունը: ԵԱՀԿ-ում տարածվել է Արցախի ԱԳՆ հայտարարությունը անկախությունը ճանաչելու անհրաժեշտության վերաբերյալ: Արցախի ԱԳՆ-ն կոչ էր արել միջազգային հանրությանը ճանաչել Արցախի Հանրապետության անկախությունը՝ Արցախի քաղաքացիների կյանքի և խաղաղ զարգացման իրավունքների ապահովման համար: Նշվել էր, որ ստեղծված պայմաններում Արցախի միջազգային ճանաչումը տարածաշրջանում խաղաղության և անվտանգության վերականգնման միակ գործող մեխանիզմն է:
Հրապարակվել է ,,Գործընթաց,, թերթի թիվ 289 համարում