ՀՐԱՏԱՊ
ՄԱԿ-Ը ՊԵՏՔ Է ՄԵՐԺԻ ԱԶԳԱՅԻՆ ԽՏՐԱԿԱՆՈՒԹՅՈՒՆՆ ՈՒ ԱՐՁԱՆԱԳՐԻ ԱՐՑԱԽԻ ԺՈՂՈՎՐԴԻ ԻՆՔՆՈՐՈՇՄԱՆ ԻՐԱՎՈՒՆՔԸ
Այսօր՝ հոկտեմբերի 19-ին ժամը 15:00-ին, ՄԱԿ-ի Անվտանգության խորհուրդը՝ Մինսկի խմբի եռանախագահող երկրների՝ Ֆրանսիայի, Ռուսաստանի եւ ԱՄՆ դիմումի հիման վրա կքննարկի Արցախում տիրող իրավիճակը: Քննարկումը լինելու է փակ ու գաղտնի: Ի ԽԱԽՏՈՒՄՆ ԹԱՓԱՆՑԻԿ ԿԱՌԱՎԱՐՄԱՆ ԱՐԵՎՄՏՅԱՆ ՔԱՐՈԶԻ՝ ԱԶԳԵՐԻ ՃԱԿԱՏԱԳՐԵՐ ՈՐՈՇՈՂ ՄԱԿ-Ը ՆԻՍՏԵՐ Է ԱՆՈՒմ ՓԱԿ ՈՒ ԳԱՂՏՆԻ, ԿԱՐԾԵՍ, ԱՆՁՆԱԿԱՆ ԳՈՐԾԵՐ Է ՔՆՆՈՒՄ: Վերջին 29 տարում բազմահազարանոց զոհերի առիթ դարձած պատերազմի արյունն այն պաշտոնյաների ուսերին է, որոնք ՄԱԿ-ի ԱԽ-ում, ՆԱՏՕ-յում, ԵՄ-ում իրավասու լինելով զսպել ցեղասպանագործներին՝ Թուրքիային և Ադրբեջանին, արել են հակառակը՝ փակ ու գաղտնի նիստերով քողարկելով իրենց ամոթալի դեմքերն Արցախի ժողովրդից, որն այլ ժողովուրդների պես իրավունք ունի ինքնորոշվելու, բայց այսքան տառապանք կրեց:
Օրերս <<Գործընթաց>> թերթը պարզել էր, որ ՄԱԿ-ի Հայաստանյան գրասենյակի հեռախոսահամարներն, այդ թվում՝ փախստականների հարցով բաժինն անարձագանք են: ԱԳՆ-ից մի պատասխանատու խոստացավ փոխանցել մեր մտահոգությունը: Հաջորդ օրը ՄԱԿ-ի գրասենյակի մոտ բողոքի ակցիայի արդյունքում միայն գրասենյակի ներկայացուցիչը բարեհաճեց այցելել վիրավոր քաղաքացիներին: Այսօր ՄԱԿ-Ի ԱԽ նիստի օրը ևս Երևանում բազմամարդ երթ է անցկացվում ՄԱԿ-ի գրասենյակի մոտ <<ԷՐԴՈՂԱՆ ՏԵՌՈՐԻՍՏ>> վանկարկումներով: Երթը Մատենադարանից հասել է ՄԱԿ-ի Հայաստանյան գրասենյակի դիմաց: Հուսով ենք, արտերկրում ևս Նյու Յորքում ՄԱԿ-ի գլխավոր կենտրոնակայանի՝ մոտ տեղի կունենա բազմամարդ ակցիա: Բողոքի ակցիաները խոստանում են շարունակական ու մասշտաբային դառնալ՝ արթնացնելու կառույցին, որի անգործության և իրավիճակն ադեկվատ չգնահատելու պատճառով 30 տարի արյուն է թափվում, կորուստներ ենք ունենում:
Հոդվածն ամբողջությամբ՝ <<Գործընթաց>> թերթ-ում
Քաղաքագետ Ինարա Դանիելյան