ԱՐՑԱԽՅԱՆ ՊԱՏԵՐԱԶՄ
ՀՀ-ում վարչապետ Ն. Փաշինյանի մարտակոչով որդին՝ Աշոտը, մեկնել է Արցախ
Պատերազմի օրերին առանց այն էլ վերահսկելի ադրբեջանական մամուլը խուսափում է հաղորդել միջազգային լրահոսում տարածված հրապարակումներն այս օրերին երկիրը լքած նախագահ Ալիևի որդու թանկարժեք հանգստի շուրջ: Թիկնազորով շրջող կրտսեր Ալիևը <<մեկուսացել է>> Արցախի դեմ մղվող պատերազմի հոգսերից, որի արդյունքում Ադրբեջանն ունի հազարավոր զոհեր, թիվը չեն էլ հասցնում անգամ հաշվել կամ խուսափում են հրապարակել՝ երկրում խուճապը չավելացնելու համար:
Ըստ նույն աղբյուրի՝ հյուրանոցը, որում հանգրվանել է Իլհամի և իր տեղակալ Մեհրիբանի որդին, հանդիսանում է աշխարհի ամենաթանկարժեք հանգստավայրերից մեկը: Այստեղ թեյավճարը գրեթե համարժեք է Արցախի պատերազմ <<քշված>> վարձկան մոջահեդներին խոստացված 1 ամսվա վճարին, մինչդեռ նրանք ամիսը չլրացած, հաշված ժամերի ընթացքում մահվան են դատապարտվում: Նշենք, որ քանիցս արտերկրյա մամուլում փաստեր են հրապարակվել պետպաշտոնը՝ որպես ընտանեկան ժառանգություն վարող և արդեն վաղուց իրենց ժողովրդին ձանձրացրած Ալիևների անհաշիվ միլիարդների մասին, որոնք ըստ հրապարակված փաստերի, հանդիսանում են ադրբեջանական բյուջեի թալանի արդյունք:
Ի տարբերություն Ադրբեջանի՝ Հայաստանում ի շարունակություն զորահավաքի բնականոն գործընթացի, ՀՀ վարչապետ Նիկոլ Փաշինյանը դիմել է մարտակոչով՝ վերջին մեկ տարում զորացրված մեր զինվորներին: Նրա որդին՝ Աշոտը, որ վերջերս էր զորացրվել, արդեն գրանցվել է: Այսօր էլ հայտնի դարձավ, որ վարչապետ Փաշինյանը խորհրդակցություն է անցկացրել Արցախում: