Գործընթաց թերթ // ԻՐԱԶԵԿՈՒՄ
ԻՇԽԱՆՈՒԹՅՈՒՆՆ ԻՐ ԱՆԿԱՐՈՂՈՒԹՅԱՆ ՊԱՏՃԱՌՈՎ ՓԱԿԵԼ Է ԺՈՂՈՎՐԴԻ ,,ՕԴԵՐԸ,,
Եվ այսպես, 3 քաղաքական ուժեր դատի են տվել պարետ Տիգրան Ավինյանին՝ հղում անելով ՀՀ օրենսդրությանը, որից բխում է, որ ,,պարետի,, պաշտոնը մտացածին է: Մինչ կընթանա դատավարություն, սեպտեմբերի 11-ին պարետի ինստիտուտն արագորեն վերացրին, փոխարենը որոշումներ կընդունի ՀՀ ԱՆ նախարարը: Սահմանափակումները ժողովրդի համար մնում են ուժի մեջ: Այդ է փաստում ՀՀ Առողջապահության նախարարի հրամանը, որով հաստատվել են անհատական պաշտպանության միջոցների ցանկը, կիրառման դեպքերն ու կարգը, սանիտարահամաճարակային անվտանգության կանոնները:
- Փակ տարածքներում դիմակ կրելը պարտադիր է բոլորի համար, բացառությամբ մինչև տարեկան երեխաների, բնակության վայրում, անձնական ավտոմեքենաներով երթևեկելիս, ծխելիս, խմելիս, սնվելիս, ինչպես նաև Առողջապահության նախարարի կողմից հաստատված սանիտարական կանոններով սահմանված այլ դեպքերի:
- Բնակության վայրի բնակելի տարածքից դուրս գտնվելիս հանրային բաց տարածքներում դիմակ չկրելու պայմաններն են՝
- Տարիքը՝ 0-5 տարեկանը ներառյալ.
- Հայաստանի Հանրապետության նախագահի, Ամենայն հայոց կաթողիկոսի, վարչապետի, Ազգային ժողովի նախագահի, Սահմանադրական դատարանի նախագահի, Բարձրագույն դատական խորհրդի նախագահի գլխավորությամբ անցկացվող արարողակարգային միջոցառումների ժամանակ ելույթ և ուղերձ ունեցողներ և միջոցառման անմիջական մասնակիցներ (բացառությամբ հանդիսականների, հյուրերի, լրագրողների և սպասարկող անձնակազմի).
- քրոնիկ շնչառական հիվանդությունների առկայություն՝ ասթմա, թոքերի քրոնիկ օբստրուկտիվ հիվանդություն, էմֆիզեմա կամ բրոնխիտ` ծանր շնչառական անբավարարություն, 3-րդ, 4-րդ ֆունկցիոնալ դասի քրոնիկ սրտային անբավարարությունը՝ պայմանով, որ նշված անձինք իրենց մոտ ունենան համապատասխան հիվանդության փաստը հաստատող բժշկական փաստաթուղթ. 4) ֆիզիկական վարժություններ կամ հեծանվավարություն իրականացնելը.
- բացօթյա հանգստի նպատակով հատուկ առանձնացված վայրերում, հանգստյան գոտիներում և լողափներում, սարերում, անտառներում և նմանատիպ բացօթյա տարածքներում, սակայն ոչ՝ զբոսայգիներում, քաղաքային պուրակներում, բուսաբանական և կենդանաբանական այգիներում, պատմամշակութային վայրեր այցելությունների, ուխտագնացության, որպես տնտեսական գործունեություն կազմակերպված՝ անհատական և խմբային արշավների, էքսկուրսիաների, քայլարշավների, ուղևորությունների և նման բնույթի այլ միջոցառումներին մասնակցությունը.
- հեռուստահաղորդավարների` հեռուստահաղորդումների և հեռուստածրագրերի հեռարձակման ժամանակ հեռուստատեսային տաղավարում միայնակ գտնվելը. 7) հեռուստահաղորդումների հեռարձակման ժամանակ սուրդոթարգմանություն իրականացնելը.
- խուլ-համրությունը (խլությամբ տառապող անձինք, որոնք շրթունքների շարժումներին հետևելով են ընկալում խոսքը).
- ծխելը, խմելը և սնվելը և այլն:
Հրամանի այլ մանրամասները տե՛ս այստեղ http://moh.am/images/legal-598.pdf: