ԳՈՐԾԸՆԹԱՑ թերթ ԻՐԱՎԱԿԱՆ
ՆԱԽԿԻՆ ԴԵՍՊԱՆ ՄԻՆԱՍՅԱՆԻ ԿԱԼԱՆՔԻ ՈՐՈՇՈՒՄԸ ՎԵՐԱՑՎԵԼ Է, ՊԵԿ ՆԱԽԱԳԱՀԸ ՀՐԱԺԱՐԱԿԱՆ ՏՎԵԼ
Վերաքննիչ քրեական դատարանը՝ նախագահությամբ դատավոր Սերգեյ Մարաբյանի, վերացրել է Վատիկանում ՀՀ նախկին դեսպան, Սերժ Սարգսյանի փեսա Միքայել Մինասյանին կալանավորելու վերաբերյալ Երևան քաղաքի առաջին ատյանի ընդհանուր իրավասության դատարանի դատավոր Արտուշ Գաբրիելյանի որոշումը։ Այս մասին մամուլին հայտնել է նրա փաստաբան Միհրան Պողոսյանը։ Վերջինս կանխատեսելի է համարում, որ երկրի քաղաքական իշխանություններն օրերի ընթացքում Միքայել Մինասյանին կառաջադրեն մեկ այլ, բայց նույնքան անհիմն և ապօրինի մեղադրանք՝ նրան կալանավորելու համար։
Մինասյանը որպես մեղադրյալ է ներգրավվել Պետական եկամուտների կոմիտեի քննչական վարչությունում քննվող քրգործի շրջանակում միանգամից 3 հոդվածով՝ դեռևս մարտ ամսին: Նախաքննական մարմինը նաև միջնորդություն էր ներկայացրել դատարան՝ նախկին դեսպանին կալանավորելու վերաբերյալ։
Հիշեցնենք, Մ. Մինասյանն իր <<Ստի վերջը>> տեսաշարով պարբերաբար հրապարակում է իր բացահայտումները, որոնք պարունակում են օրինախախտումների վերաբերյալ տվյալներ՝ վարչապետ Նիկոլ Փաշինյանին ու նրա մերձավորներին առնչվող: Իրավապահներից ակնկալվում է այս ընթացքում ստուգեն փաստերը և ձեռնարկեն անհրաժեշտ միջոցներ: Հաշվի առնելով, որ տեսաշարում ներկայացված էր նաև մաքսանենգության միջադեպ, նաև, որ վերոնշյալ քր. գործն առնչվում է նաև ՊԵԿ-ի հետ, վերջինիս նախագահ Դավիթ Անանյանի հրաժարականը ևս վարկածներից մեկի համաձայն կարող էր կապ ունենալ նախորդած իրողությունների հետ, սակայն ՊԵԿ-ի տարածած պարզաբանումը հերքում է այդ վարկածը: