ՏՆՏԵՍԱԿԱՆ //
Ուկրաինայից Փաշինյանն Ալիևի հասցեին սպառնալիք կտա՞ր, ոչ…
Փաշինյանն իր թիմով, անձնական միջոցներով, գույքով պատասխանատու է գյուղոլորտին, բեռնափոխադրողներին պատճառված ահռելի վնասների համար: Այս օրերին ինքնարժեքից ցածր իբր մասնակի հատուցումներ է տալիս պետբյուջեի հաշվին, որից փոքր ֆերմերներն անգամ անտեղյակ են: Գումարներ է ստանում Եվրոպայից, որն էլ անհայտ գրպաններ է մտնում: Մինչդեռ եթե Փաշինյանն իր ու ՔՊ-ականների անձնական միջոցների, պարգևավճարների, գույքի հաշվին աներ հատուցումը, հաջորդ անգամ Զելենսկուն թույլ չէր տա նման հետևանք հարուցել ՀՀ պետական, ազգային շահերի դեմ: Հիշեցնենք, Հայաստանի դեմ ներմուծման արգելք կիրառվեց ՌԴ-ի կողմից, երբ Զելենսկին Երևանում կայացած ԵՔՀ ժողովին սպառնալիքներ հնչեցրեց ՌԴ-ի հասցեին: Հարց է ծագում, Ուկրաինայից Փաշինյանն Ալիևի հասցեին սպառնալիք կտա՞ր, իհարկե՝ ոչ…
Ինչպես հայտնի է, Ռոսսելխոզնադզորը մայիսի 30-ից սահմանափակել է Հայաստանից պտուղ-բանջարեղենի և այլ ապրանքների ներմուծումը: Սահմանափակումների հետևանքով անհուսալի վիճակում են հայտնվել ոչ միայն գյուղմթերք արտադրողներն, այլ նաև բեռնափոխադրողները: Ոլորտի անկախ փորձագետներն իրավիճակը գնահատում են ծանր: Նրանց գնահատմամբ՝ պետք է ապահովել, որ արտադրողներն իրենց բերքը հանձնեն մթերող կազմակերպություններին այնպիսի գնով, որն առնվազն համարժեք լինի արտահանման շուկայում առկա արժեքին, նման համակարգված գործընթաց տեսանելի չէ: Ֆերմերների համար չնախատեսված իրավիճակ է, որ բերքն իրացնեն ինքնարժեքից ցածր գնով: Մթերումների և արտահանման գործընթացների հետ կապված այս խնդիրը ծանր հետևանքներ է թողնելու: Գյուղնախարարությունը լուծարած իշխանության վնասաբեր քայլերից տուժելու է ողջ ժողովուրդը…
Առավել մանրամասն՝ «Գործընթաց» թերթի թիվ 404 համարում