ՔԱՂԱՔԱԿԱՆ //
ԸՍՏ ԲԱՔՎԻ՝ ՀՀ ՎԱՐՉԱԽՄԲԻ ԿԱՄՔԻՑ Է ԿԱԽՎԱԾ ԳԵՐԻՆԵՐԻ ԱԶԱՏՈՒՄԸ. Բաքվում պահվող գերի Դավիթ Իշխանյան
Ադրբեջանի կողմից ապօրինաբար գերեվարված Արցախի Ազգային ժողովի վերջին նախագահ Դավիթ Իշխանյանը Բաքվի բանտից ուղերձ է հղել, ըստ որի՝ Բաքուն ասել է, թե հայ գերիներին կպահի այնքան, որքան կուզի ՀՀ իշխանությունը: Նշված հարցով ՀՀ իշխանության անտարբերությունը հաստատել է ՀՀ ԱԳ նախարար, ՔՊ-ական Արարատ Միրզոյանը, որը ժամանակ ունի քարոզարշավի, ժամանակ չունի գերիներին վերաբերվող հանրային հնչեղության հարցի: «Ծնգլ արեցիք»,-այսպես է նա արձագանքել լրագրողներին, որոնք փորձել են լուր ստանալ չլուծված հարցի շուրջ: Թերևս, հարցի անհարկի ձգձգումը հենց ժողովրդին է իրավունք տալիս իշխանությանն ասել. «Արդեն, ծնգլ արեցիք»: Միրզոյանը հոգնած է, անշուշտ, սպառել է հարցի լուծման ողջամիտ ժամկետը: Անգամ Ուկրաինան ՌԴ-ի հետ հազարներով գերիներ է փոխանակում, մերոնք Բաքվում՝ անորոշ սպասում:
Հրապարակումն առավել մանրամասն՝ «Գործընթաց» թերթում