ԳՈՐԾԸՆԹԱՑ թերթ      ԲՆԱՊԱՀՊԱՆՈՒԹՅՈՒՆ      

Կես միլիոն եվրոյի բյուջետային աջակցություն ազգային պարկերի ֆինանսավորմանը

ՀՀ կառավարության և Կովկասի բնության հիմնադրամի միջև նոր դրամաշնորհի պայմանագիր է ստորագրվել, որը միտված է  նոր տիպի կորոնավիրուսի համավարակի պայմաններում Հայաստանին սատարելուն: Համաձայն պայմանագրի՝ Կովկասի բնության հիմնադրամն, ի լրումն Հայաստանի պահպանվող տարածքներին տրվող օժանդակության, ՀՀ կառավարությանը կտրամադրի ևս կես միլիոն եվրոյի բյուջետային աջակցություն: Դրամաշնորհը հիմնականում կուղղվի «Դիլիջան» ազգային պարկ, «Արփի լիճ» ազգային պարկ, «Խոսրովի անտառ» պետական արգելոց և «Զանգեզուր» կենսոլորտային համալիր ՊՈԱԿ-ների ֆինանսավորմանը:

Ըստ  կառավարության ներկայացրած տեղեկանքի՝ Կովկասի բնության հիմնադրամը (CNF- Caucasus Nature Fund)  ավելի քան 10 տարի  Հայաստանում ֆինանսներ է  ուղղում բնության հատուկ պահպանվող տարածքներին, համաֆինանսավորում պահպանվող տարածքների ընթացիկ ծախսերը: 10 տարվա ընթացքում հիմնադրամն ավելի քան  5 միլիոն եվրո է հատկացրել ՀՀ-ին: