ԳՈՐԾԸՆԹԱՑ թերթ          ՍՈՑԻԱԼԱԿԱՆ     

Հայաստանում 1 ամսում աշխատանք է կորցրել 20000 մարդ

ՀՀ կառավարության նիստում հաստատվել է կորոնավիրուսի տնտեսական հետևանքների չեզոքացման 22-րդ միջոցառումը և դրանով սահմանված միանվագ աջակցություն տրամադրելու կարգը: Միջոցառման շահառու են հանդիսանում այն ֆիզիկական անձինք, ովքեր առնվազն 85 օրացուցային օր աշխատանքային պայմանագրի կամ աշխատանքի ընդունման մասին անհատական իրավական ակտի հիման վրա աշխատանքային հարաբերությունների մեջ են գտնվել գործատուի հետ 2020 թ. հունվարի 1-ից մինչև մարտի 30-ն ընկած ժամանակահատվածում, սակայն ազատվել են աշխատանքից  2020 թ. մարտի 31-ից մինչև հունիսի 1-ն ընկած ժամանակահատվածում և այդ նույն ժամանակահատվածում չեն անցել մեկ այլ աշխատանքի: Աջակցությունը տրամադրվում է միանվագ՝ նվազագույն ամսական աշխատավարձի չափով: Միանվագ աջակցությունը վճարվում է անկանխիկ եղանակով:

22-րդ միջոցառումից չեն կարող օգտվել, մասնավորապես,  այն անձինք՝ ում աշխատանքից ազատվելուն նախորդող 2 ամիսների միջին ամսական աշխատավարձի չափը գերազանցել է 500 000 դրամը, ով 2020 թ. հունիսի 1-ի (ներառյալ) դրությամբ աշխատանքային հարաբերությունների մեջ է գտնվել նաև այլ գործատուի հետ կամ նույն գործատուի հետ՝ այլ աշխատանքային պայմանագրի հիման վրա: 

Անդրադառնալով ընդունված որոշմանը՝ վարչապետը նշել է, որ ապրիլին՝ համատարած սահմանափակումների շրջանում, շուրջ 70 հազար աշխատատեղ փակվել է, մայիսին դրանցից 50 հազարը վերականգնվել կամ բացվել է: Արդյունքում արձանագրել են, որ մոտավորապես 20 հազար քաղաքացիներ կան, որոնք կորոնավիրուսի այս շրջանում աշխատանքը կորցրել են և նոր աշխատանք չեն գտել։